Ephesos

Ephesos

D Laag vo Efesos in dr Türkei

Efesos (altgriech. Ἔφεσος, hethitisch vermuetlig Apaša, latiin. Ephesus), in dr Landschaft Ionie, isch im Alterdum äini vo de eltiste, grösste und bedütendste griechische Stedt in Chläiasie gsi. Dr Tämpel vo dr Artemis (Artemision), wo dört gstande isch, isch äins vo de Siibe Wältwunder gsi. D Stadt isch dennzumol diräkt am Meer glääge; sit denn het sich d Küstelinie gege Weste verschoobe, dur Sedimentazioon und klimatischi und säismischi Verändrige, so dass sich hüte d Räst vo dr Stadt meereri Kilometer vom Meer ewägg befinde. D Ruine vo Efesos lige hüte in dr Nööchi vo Selçuk, öbbe 70 km südlig vo İzmir an dr türkische Westküste (Egeis). Dr türkisch Naame vom hütige Usgraabigsort isch Efes.